斗滾 (寶輝閣)

營業中

休息中

每次約一大班人打邊爐食飯，就一定係食放題，食物野飲選擇多之如，又可以係有限budget之下，豪飲豪食，夠囇盡興，唔洗就住荷包💸約friend從此唔洗尷尷尬尬。打邊爐放題有好多間，但高質嘅真係唔多，呢間不但只價錢親民（晚市$300 /成人，已計服務費），仲包任點雞煲、一客海鮮拼盤（每人每款聖子、鮑魚、扇貝、花甲、蝦、魚塊，配烏冬同些少配菜，人人有得食，唔洗爭）、是日靚湯（杞子紅棗烏雞湯），重頭戲手切牛頸脊，最後仲有椰汁雪燕糖水，另外有凍櫃放咗其他基本火鍋配菜、丸、水果拼盤等等，唔少得有王子麵、辛辣麵、烏冬、出前一丁… 當日有朋友生日🎂，買咗個蛋糕去餐廳雪，呢度冇收切餅費之如，佢仲好細心咁送咗個牛頸脊蛋糕俾我哋，十分過癮😋任點雞煲其實上菜上得幾快，但每次要等2分鐘炒一炒，總共需要炒4次，最快起碼8至10分鐘先食得，啲雞先至入味，我就略嫌等得太耐。雞煲入邊啲雞肉又少，剩係得好多辣醬同配料，感覺呢度嘥咗好多時間，所以其實食一轉都已經好夠。而海鮮拼盤就各樣每人一隻，不過不失，蟶子、扇貝同鮑魚係必食，烏冬煮到淋淋地有海鮮味都幾好，全部火候都控制得幾好，唔會話過熟，絕對得起呢個價錢👍🏻碗靚湯其實有啲