開心餐廳 (已結業)

今日同朋友黎行街，行行下唔經唔覺已經差不多十點，估唔到咁夜都仲有地方比我地食飯。一坐低見到有個小菜套餐menu,我地決定一人叫一個小菜share食。每個餐有一碗白飯，一碗湯加一杯飲品，57蚊一個餐。豉汁排骨：即叫即蒸，所以等左20分鐘，但真係熱辣辣咁上台，好香嘅豉汁味一碟都幾大，排骨好入味，正！蕃茄蛋炒牛肉：牛肉都係有用梳打粉醃過，所以好淋。不過不失。咸蛋蒸肉餅：好味嘅肉餅，應該係手打嘅，仲要唔鞋又唔會太咸，一流！例湯當然係味精湯啦，但預左嘅。餐廳嘅員工服務好好，因為蒸嘅餸要時間，佢會問下d餸想一齊上定分開上，好細心。