阿一豬扒酸辣米綫 (已結業)

尖東地區食午餐閒閒地都要$50，不過呢間就都算幾平，$40-50就有一碗麵再加一樣自選小食，例如海蜇青瓜木耳，都幾正架，另外有幾款就係跟飲品，選擇都好多，有麵有湯飯。我就叫咗個清湯豬扒麵，另外亦可以揀酸辣湯底。雖然係清湯，但湯底都非常夠味，甚至會覺得太濃，食完要不斷飲水，不過呢個價錢食飽之餘仲要味道唔差，份量唔少，真係好難得！而青瓜同海蜇都幾好味，配米線幾好，而豬扒就非常大件，比較熱氣，唔可以成日食 哈哈總結嚟講真係唔錯 可以encore!