影片
更多
2024-11-17
329 瀏覽
今年食左大閘蟹未呀？平時每年去上海食又或者去老上海同留園雅敘，今年反而乜都無安排，結果去了逸軒，因為聽講李師傅年年都花心思去諗好嘅蟹menu，聽左咁多年終於食到，都幾值得推薦。前者有粉蟹肉脆皮雲吞、天府口水汁鴛鴦雞卷、燒椒醬輕煎去殼富貴蝦，全部都好精緻又好食，唯獨唔係個個蟹粉菜式，但我特別愛個燒椒醬輕煎去殼富貴蝦，咁樣食法太幸福，鴛鴦雞卷嘅精美同辣度都令人難忘。湯品係原個椰皇濃湯燉花膠，真心精彩，個舊花膠非常大塊，真心大滿足，甜得好緊要嘅椰皇可以成個起肉，如果你太細食就唔好亂食椰肉，朋友就食到呢到已經飽。主角係清蒸江蘇大閘蟹，7兩重，最正係有人幫你拆哂，係香港，相信唔多地方有咁好服務，之後配一杯沖繩黑糖薑茶，再準備下半場嘅餐單。熟成336小時係咩概念？無諗過酒店都會玩到咁細緻，蒜煎熟成336小時日本豬入口很容易溶化，加上上面的炸蒜片和下面的蒜心，三個食法都令各有特色。呢個蟹粉蟹肉燴冬粉又係當日暴力之選，大量拆好嘅蟹粉蟹肉轟炸你口腔，配合掛味嘅蟹粉，絕對令你難忘。如果你係澱粉之友就真係好開心，呢個羽衣甘藍二少爺炒飯，炒得當然粒粒細緻，用上羽衣甘藍都好特別，成個飯添上一股特色香氣和味覺。整
今年食左大閘蟹未呀？
平時每年去上海食又或者去老上海同留園雅敘，今年反而乜都無安排，結果去了逸軒，因為聽講李師傅年年都花心思去諗好嘅蟹menu，聽左咁多年終於食到，都幾值得推薦。
前者有粉蟹肉脆皮雲吞、天府口水汁鴛鴦雞卷、燒椒醬輕煎去殼富貴蝦，全部都好精緻又好食，唯獨唔係個個蟹粉菜式，但我特別愛個燒椒醬輕煎去殼富貴蝦，咁樣食法太幸福，鴛鴦雞卷嘅精美同辣度都令人難忘。
湯品係原個椰皇濃湯燉花膠，真心精彩，個舊花膠非常大塊，真心大滿足，甜得好緊要嘅椰皇可以成個起肉，如果你太細食就唔好亂食椰肉，朋友就食到呢到已經飽。
主角係清蒸江蘇大閘蟹，7兩重，最正係有人幫你拆哂，係香港，相信唔多地方有咁好服務，之後配一杯沖繩黑糖薑茶，再準備下半場嘅餐單。
熟成336小時係咩概念？無諗過酒店都會玩到咁細緻，蒜煎熟成336小時日本豬入口很容易溶化，加上上面的炸蒜片和下面的蒜心，三個食法都令各有特色。
呢個蟹粉蟹肉燴冬粉又係當日暴力之選，大量拆好嘅蟹粉蟹肉轟炸你口腔，配合掛味嘅蟹粉，絕對令你難忘。
如果你係澱粉之友就真係好開心，呢個羽衣甘藍二少爺炒飯，炒得當然粒粒細緻，用上羽衣甘藍都好特別，成個飯添上一股特色香氣和味覺。
整體價錢唔算太貴，只不過地方唔係人人覺得方便，但食得好又有個舒服地方，都值得專誠去下。
張貼
