影片
更多
2023-07-31
85 瀏覽
GHETTO CAFE📍旺角黑布街13號地舖傾盤大雨嘅星期日，我同另一位7月生日嘅好朋友約咗去一間人氣打卡burger餐廳食下午茶。餐廳嘅女食客比較多，好多人都有刻意打扮得型格一啲嚟食嘢，全場嘅人個個都好積極打卡，好有氣氛。不過由於我唔太好影人像，所以餐齊影完食物相就同朋友開吃，最後一張呃like相都無影到，哈哈！我鍾意呢度嘅hip hop氣氛，除咗有好搶眼嘅neon lights同graffiti外，全間餐廳嘅裝修亦好有美式快餐店嘅感覺。主色用咗橙色，加上笑哈哈logo，非常鮮明易認。最正嘅係店內播放住好upbeat嘅音樂，輕快嘅節奏令人更享受喺就度用餐。 💰$90 (+$18 可轉套餐)滋味粒粒巨蝦堡 🍔唔食牛嘅我嚟到呢度覺得好開心，因為除咗牛肉，餐廳仲有提供魚肉、豬肉同蝦肉嘅選擇。我揀咗呢款滋味粒粒巨蝦堡，裏面夾住蕃茄、生菜同沙律醬，主角炸蝦漢堡真係名副其實由一粒粒巨大蝦肉堆砌而成，口感非常爽口彈牙，好好食！鬆軟嘅麵包好香牛油味，索盡沙律醬但唔油膩，好味！ 💰$110 (+$18 可轉套餐)貧民窟大魔王漢堡 🍔朋友揀咗呢個勁巨型嘅貧民窟大魔王漢堡，裏面嘅餡多到嚇死人！包夾住一大塊
📍旺角黑布街13號地舖
傾盤大雨嘅星期日，我同另一位7月生日嘅好朋友約咗去一間人氣打卡burger餐廳食下午茶。餐廳嘅女食客比較多，好多人都有刻意打扮得型格一啲嚟食嘢，全場嘅人個個都好積極打卡，好有氣氛。不過由於我唔太好影人像，所以餐齊影完食物相就同朋友開吃，最後一張呃like相都無影到，哈哈！
我鍾意呢度嘅hip hop氣氛，除咗有好搶眼嘅neon lights同graffiti外，全間餐廳嘅裝修亦好有美式快餐店嘅感覺。主色用咗橙色，加上笑哈哈logo，非常鮮明易認。最正嘅係店內播放住好upbeat嘅音樂，輕快嘅節奏令人更享受喺就度用餐。
[價錢 Price]
💰$90 (+$18 可轉套餐)
滋味粒粒巨蝦堡 🍔
唔食牛嘅我嚟到呢度覺得好開心，因為除咗牛肉，餐廳仲有提供魚肉、豬肉同蝦肉嘅選擇。我揀咗呢款滋味粒粒巨蝦堡，裏面夾住蕃茄、生菜同沙律醬，主角炸蝦漢堡真係名副其實由一粒粒巨大蝦肉堆砌而成，口感非常爽口彈牙，好好食！鬆軟嘅麵包好香牛油味，索盡沙律醬但唔油膩，好味！
[價錢 Price]
💰$110 (+$18 可轉套餐)
貧民窟大魔王漢堡 🍔
朋友揀咗呢個勁巨型嘅貧民窟大魔王漢堡，裏面嘅餡多到嚇死人！包夾住一大塊薯餅、芝士、炒洋蔥、炳肉同兩層厚厚嘅牛肉漢堡，要一啖食到晒全部餡真係好有難度！洋蔥焦化後變得好香，同半溶嘅芝士好夾，牛肉漢堡雖然厚同有少少筋但唔靭，夾住煙肉嘅油脂，每啖食到嘅都係邪惡嘅美味！
個人認為呢個漢堡實在太大，而且非常足料，如果唔係有返咁上下大嘅胃，建議單點一個漢堡就算啦，好似我哋咁轉左套餐之後，基本上飽到食唔到薯條，好彩有得打包咋，大家記住量力而為，唔好浪費食物呀！
[價錢 Price]
💰$40 (+$18 套餐免費加配)
粗薯條 🍟
粗薯條炸得剛剛好，唔會太粉或太乾，雖然灑滿幼鹽但唔會好鹹，點偏甜嘅茄汁就最authentic啦！
[價錢 Price]
💰$48 (+$18 套餐再+$10 加配)
芝士墨西哥粟米片 🫕
我自己就偏好食nachos嘅，呢度嘅nachos 本來已經有些少調味，就咁食已經好香口，但我覺得點埋個cream cheese醬會仲好食，所以不知不覺就食晒成兜醬！
[價錢 Price]
💰$48 (跟餐-$10)
芒果Smoothie 🥭🥤
朋友本來想試下香蕉朱古力Smoothie，但今日餐廳無晒朱古力系列嘅Smoothie，所以佢揀咗芒果Smoothie。芒果味比較甜，撈埋啲cream嚟食，夏天飲一流！
[價錢 Price]
💰$48 (跟餐-$10)
士多啤梨Smoothie 🍓🥤
我就叫咗士多啤梨Smoothie，雖然味道比較甜，但typical嘅美式Smoothie一向就係偏甜，所以都係正常嘅！反正佢就係好適合打卡，鍾意嘅可以一試！
張貼
