影片
更多
2009-12-19
5 瀏覽
一直都好想試下打烏冬有幾好味又有幾唔同, 不過因為價錢關係, 食一碗已經好貴, 何況帶同親朋戚友一齊去試菜呢!一碗閒閒地都要6、70蚊, 但呢晚一於豪一豪試下佢!極上蕃茄牛肉豬軟骨烏冬+配溏心蛋一隻蕃茄湯底唔係罐頭蕃茄湯, 所以唔係鮮紅色。想該係用豬軟骨濃湯再加蕃茄煲成 ; 蕃茄味唔重但好香好清甜, 仲有成度蕃茄食! 一邊食烏冬都可以一邊飲湯, 因為唔係味精湯, 飲完都唔口渴!牛肉片比生熟牛河的牛肉好味, 唔肥但好滑, 而且份量都有返咁上下。豬軟骨一般, 不過不失 ; 骨好軟身, 肉唔肥, 都算ok! 但係份量就少左D啦…主角手打烏冬登場! 真係好驚喜! 軟身得黎又彈牙, 煙煙unun, 食得出”手打”的分別!烏冬有膠味 , 又唔粉口, 越食越滋味! 不過烏冬唔算多, 所以有少少唔夠喉! 但份量足夠食, 但飽得黎又唔滯, 好有滿足感呢!值得一提的地方就係烏冬有大量的配菜, 均衡的蔬菜真係好!除左有成個大蕃茄之外, 仲有粟米同蜜糖豆。特別要讚下係粟米粒! 因為粟米粒唔係冷藏粟米, 食得出係原條粟米刨出的! 粟米味更香濃又大粒, 為食厭左罐頭又或者冷藏粟米粒的我帶來清新!溏心蛋原來係凍食
一碗閒閒地都要6、70蚊, 但呢晚一於豪一豪試下佢!
極上蕃茄牛肉豬軟骨烏冬+配溏心蛋一隻
蕃茄湯底唔係罐頭蕃茄湯, 所以唔係鮮紅色。想該係用豬軟骨濃湯再加蕃茄煲成 ; 蕃茄味唔重但好香好清甜, 仲有成度蕃茄食! 一邊食烏冬都可以一邊飲湯, 因為唔係味精湯, 飲完都唔口渴!
牛肉片比生熟牛河的牛肉好味, 唔肥但好滑, 而且份量都有返咁上下。
豬軟骨一般, 不過不失 ; 骨好軟身, 肉唔肥, 都算ok! 但係份量就少左D啦…
主角手打烏冬登場! 真係好驚喜! 軟身得黎又彈牙, 煙煙unun, 食得出”手打”的分別!
烏冬有膠味 , 又唔粉口, 越食越滋味! 不過烏冬唔算多, 所以有少少唔夠喉! 但份量足夠食, 但飽得黎又唔滯, 好有滿足感呢!
值得一提的地方就係烏冬有大量的配菜, 均衡的蔬菜真係好!
除左有成個大蕃茄之外, 仲有粟米同蜜糖豆。
特別要讚下係粟米粒! 因為粟米粒唔係冷藏粟米, 食得出係原條粟米刨出的! 粟米味更香濃又大粒, 為食厭左罐頭又或者冷藏粟米粒的我帶來清新!
溏心蛋原來係凍食的, 溏心的效果好, 蛋白亦有滷水的味道, 不過熟食會更好味!
烏冬係成窩上枱的, 熱辣辣。好味之餘又飽肚, 食完有滿滿幸福的感覺, 呢碗烏冬貴得黎都係好值得的。
張貼