英發茶餐廳

營業中

休息中

趕唔切坐低食，唯有攞返公司食啦，雖然只係一分鐘路程，麵已有點發賬。太陽蛋沙嗲牛肉腸仔福字伊麵，麵條連湯一齊倒入口特別香濃味美，大滿足。炸過既腸仔外皮香口，咬落彈牙，唔係怪味腸、亦唔係咸腸，Good！牛肉不過不失啦，唔算腍劈劈，但鞋鞋地，沙嗲味可以啦。太陽蛋變焗蛋，內外都熱辣辣，蛋白滑、蛋黃香濃，好味。成日經過見到有福麵供應，勁開心，但一直未有機會幫襯，我最鐘意食伊麵加麻。直到對面買開早餐間茶餐廳激嬲我，服務差、態度欠佳，咁我梗係即時轉會啦！