影片
更多
2017-11-26
1313 瀏覽
荃灣零舍多店有人排隊，火腿奄列有人排、刀削麵有人排、雞煲有人排 、兩檔唔同嘅米線又係好多人排、 就連未煮嘅雞蛋檔同牛肉檔都一樣有人排。今次去嘅依檔民豐粉麵又係出名多人排，不過好彩我今日十一半點左右經過見無人排隊所以就立即走咗入去買嘢食。雖然舖頭開宗明義寫明係粉麵店，不過佢哋賣嘅粉麵全部未經烹煮。而熟食就只有韭菜餅同埋粢飯，店內亦不設堂食。雖然韭菜餅的確係鎮店名物，不過今次入手嘅目標係上海菜肉水餃。依啲手工嘢對於本地大眾都市人來講買嘅絕對係來買時間。當然嘴刁嘅香港人同鳳凰無寶不落一樣，唔係好嘢又點會可以屹立荃灣多年。其實由外面舖頭招牌到走入舖内擺設格局、産品裝璜收納眼底就己告知區外生客民豐係幾十年老字號名店。雖然今次時候早俾我撞彩唔洗排隊，不過因所有産品新鮮即製、即包關係都要等三幾分鐘先有得攞； 擇善固執，咁就解釋晒平時點解會大排長龍，依分零兩分鐘等候就欣賞吓大姐們嘅手包功夫。今次其實亦試埋佢哋嘅粢飯，雖然糯米又甜又軟，可惜餡料分量就覺得不足。15粒水餃回家煮其實都分咗兩餐食。第一餐淨水餃，滾熟加小小醬油就食得。上海水餃皮就係愛佢厚厚地夠飽肚，水餃餡料夠新鮮就乜都唔洗攪，小小肉汁同新鮮味
今次去嘅依檔民豐粉麵又係出名多人排，不過好彩我今日十一半點左右經過見無人排隊所以就立即走咗入去買嘢食。雖然舖頭開宗明義寫明係粉麵店，不過佢哋賣嘅粉麵全部未經烹煮。而熟食就只有韭菜餅同埋粢飯，店內亦不設堂食。
雖然韭菜餅的確係鎮店名物，不過今次入手嘅目標係上海菜肉水餃。依啲手工嘢對於本地大眾都市人來講買嘅絕對係來買時間。當然嘴刁嘅香港人同鳳凰無寶不落一樣，唔係好嘢又點會可以屹立荃灣多年。其實由外面舖頭招牌到走入舖内擺設格局、産品裝璜收納眼底就己告知區外生客民豐係幾十年老字號名店。雖然今次時候早俾我撞彩唔洗排隊，不過因所有産品新鮮即製、即包關係都要等三幾分鐘先有得攞； 擇善固執，咁就解釋晒平時點解會大排長龍，依分零兩分鐘等候就欣賞吓大姐們嘅手包功夫。
今次其實亦試埋佢哋嘅粢飯，雖然糯米又甜又軟，可惜餡料分量就覺得不足。15粒水餃回家煮其實都分咗兩餐食。第一餐淨水餃，滾熟加小小醬油就食得。上海水餃皮就係愛佢厚厚地夠飽肚，水餃餡料夠新鮮就乜都唔洗攪，小小肉汁同新鮮味就係咁簡單。第二餐用來伴個即食麵同樣精彩。所以就算要自己動動手腳，開開火都有咁多客日日排隊來買雲吞、水餃，真材實料就係原因。
張貼
