影片
更多
2012-04-05
79 瀏覽
幸運因為我同男友係第2次坐o左最後一張walk-in枱(上次唔係呢度)8點零鐘o黎到赤柱大街,可能因為平日所以全部餐廳都冇擺枱出行人路,只有indoor位置都係o係呢間同隔離seafront 二擇其一,因為之前已幫襯seafront 2次,而且記起呢間o係openrice評語幾好,決定試吓呢間望入去以為冇位,疑似老闆o既男士叫我o地等等,即刻執o左張2人枱俾我o地之後有2張枱走,佢都唔俾walk-in了,原來有2,3枱客人係book o左8點幾9點 table setting我點o左個$138 set dinner,頭盤可以揀湯/田園沙律/三文魚沙律,我揀o左湯男友散叫o左個Caesar salad價錢唔清楚,加雞肉就+$20,份量都唔少o架~main係蜆肉linguine,慶幸佢並唔係用隻大碟上,而係一個高身o既碗。因為張枱已經唔太闊,而且坐路口位(POS隔離),身邊常有server行過,都幾逼。講返個linguine,蜆肉頗新鮮,冇沙,唔係creamy o既汁但有少少湯o係底,食之前可以撈一撈d麵,冇咁乾,少少辣又幾好味("冇咁普通")食完main已經飽,諗住飲埋杯pina col
8點零鐘o黎到赤柱大街,可能因為平日所以全部餐廳都冇擺枱出行人路,只有indoor位置
都係o係呢間同隔離seafront 二擇其一,因為之前已幫襯seafront 2次,而且記起呢間o係openrice評語幾好,決定試吓呢間
望入去以為冇位,疑似老闆o既男士叫我o地等等,即刻執o左張2人枱俾我o地
之後有2張枱走,佢都唔俾walk-in了,原來有2,3枱客人係book o左8點幾9點
table setting我點o左個$138 set dinner,頭盤可以揀湯/田園沙律/三文魚沙律,我揀o左湯
男友散叫o左個Caesar salad
價錢唔清楚,加雞肉就+$20,份量都唔少o架~
main係蜆肉linguine,慶幸佢並唔係用隻大碟上,而係一個高身o既碗。因為張枱已經唔太闊,而且坐路口位(POS隔離),身邊常有server行過,都幾逼。講返個linguine,蜆肉頗新鮮,冇沙,唔係creamy o既汁但有少少湯o係底,食之前可以撈一撈d麵,冇咁乾,少少辣又幾好味("冇咁普通")食完main已經飽,諗住飲埋杯pina colada就走
但呢個時候"老闆"問我o地要唔要甜品,咁就問佢攞個menu o黎睇吓啦
點o左心太軟,既然另外個server話要等20-25分鐘,可以落吓格先
最後應該冇等o左咁耐心太軟上枱o既時候係已經穿o左(該是故意的),有d漿o係底"顫"住個cake
隔離o既vanilla雪糕非常軟身,同whipped cream差唔多
題外話/補充資料：
其他點o左但冇提及o既食物包括一份12oz steak ($17x),apple pie $65 (唔肯定係咪pie,總之係蘋果o既甜品)
睇得出servers真係好忙,所以我同其中1個講話要杯水,佢埋o左幾張單先去攞。不過我o地都冇出聲催佢,佢記得就得啦~
set o既飲品除o左可以選擇普通coffee tea之外亦可選擇wine或beer
(以上食評乃用戶個人意見 , 並不代表OpenRice之觀點。)
張貼
