譽滿點心專門店 (已搬遷) 新店位置

去九龍城睇完中醫，想搵啲嘢食，又唔想食泰國嘢。就搵度呢間點心。係門口睇過張MENU發現有幾款點心都幾特別，就想入去試下。兩個人點咗四款嘢食，錦繡灌湯餃：好Juicy,湯汁好飲。黑松露野菌水晶餃：皮薄得嚟煙韌，有咬口，唔會蒸到好淋。黑松露配上菇粒，好香，食完又想食。棗皇糕：中式點心，除咗桂花糕，我最中意就係棗皇糕啦。桂花糕就好多地方有得食，棗皇糕就唔係啦，呢度嘅棗皇糕唔會太甜，又好香棗味，食落清甜煙韌。正。脆皮韭菜角：好香口。唔會太油膩，內餡飽滿豐富，足料。