陳記魚蛋

營業中

休息中

爹哋個零兩個月總會有一日就會落深水埗買下呢樣、買下嗰樣周圍巡。深水埗都有好多嘢食，但係今日爹哋行行吓，突然間好驚訝，望住一間唔起眼的小食店講一句：「係真唔係呀？ $12喎……仲有嘅咩？」咁我問佢係咩？🧐原來佢講緊係碗仔翅，依家通常出邊食都要$20至$30一碗，我都唔知曾經有過咁平。😅講返個碗仔翅，賣相味道其實同平時差唔多冇乜分別，但係佢買嘅就真係一個「平」字！但係佢只供應堂食，冇得外賣，諗住買多碗返屋企都唔得。港式立食碗仔翅，胡椒麻油醋。另外佢仲有平時食開嘅小食，魚蛋燒賣魷魚…… …… 佢舖頭只係一個細舖位，立式個位係條後巷嚟嘅，夏天就熱死，冬天就凍死，而家個天氣啱啱好，真係食到舔舔脷㗎。