銘陽車仔麵 (已搬遷) 新店位置

星期六路經荃灣嚟搵食🧐見到呢間車仔麵人氣旺盛所以入嚟試試🍲餐牌有多款套餐選擇價錢由$42-52不等，包飲品、另有下午茶餐同平日一至五學生餐，今次試咗一個套餐一個散叫，套餐份量夠有牛腩豬紅豬腸夠入味，另外散叫嘅有蠔油冬菇、瑞士雞中亦、牛筋湯底小辣，除咗牛筋唔夠淋其他都幾入味，$15一碟油菜都幾夠份量，呢度標榜湯底無味精，食完我都唔覺好口渴👍🏻自制豆漿都夠濃不太甜，侍應姐姐招呼親和有禮難怪眼見有好多熟客幫襯