杉玉 (沙田中心)

營業中

休息中

自己一個人食晚飯，想飲少少酒，又想食日本嘢，本身想去元氣，但係因為裝修，所以去咗對面嘅杉玉。一次兩個人其實唔使等位。一坐低就叫咗清酒，茶豆，茶碗蒸，淮山拌吞拿魚，海上鮮島。除咗茶豆煮過頭其他都好食。之後，再encore，叫咗炙燒海膽牛油鮟鱇魚乾壽司同埋池魚骨脆餅送酒，次魚骨好大碗，同清酒好夾，我嘗試要求攞啲蛋黃醬一齊食，可惜嗌兩次都冇，有啲失望。總括嚟講，係一間可以久不久坐低食吓飯嘅港式日本居酒屋。