孖啡 (已結業)

叫咗兩個lunch set都係$84 ，另外加$10各有特飲一杯：香蒜白酒蜆意大利粉煙三文魚意大利烘飽配薯條正義：蜜桃柚子蜜戀人：士多啤梨，玫瑰綠茶兩個餐都正路，味道唔錯，雖然食唔出有白酒味，但清清地都幾好食，另一個panini都好豐富又幾清新，不過一拎上手就散晒。至於兩杯飲品比較遜色，柚子蜜飲落好淡味，好似清水，另一杯味道算係幾香濃，不過士多啤梨味唔出。當日星期日lunch唔多人，坐得都算係舒服，不過啲凳一高一低，見到啲桌上遊戲都算多款式，多人一齊玩會幾開心，埋單206。