三星台菜食堂 (新城市廣場一期) (已結業)

沙田好多唔同嘅餐廳選擇 其中呢間台灣菜真係第一次試 原本冇乜期望 但結果 都幾滿意！推薦午餐價錢尚可接受 唔算特別貴 性價比還好 包餐飲 跟餐飲品選擇頗多 台式飲品都唔係加太多錢 不錯講到食物方面 唔記得係午餐定係下午茶時段 跟餐配一碗牛肉湯 非常濃郁 類似牛肉麵嘅湯底 好飲 夠味 唔會敷衍了事 我叫咗鹽酥雞排魯肉飯 雞排份量大 一個人食唔曬 炸得好酥脆 亦好夠味 肉亦鬆軟 唔會比炸粉搞到冇曬雞肉味！配上魯肉飯 好食 魯肉飯比較大粒 魯肉份量適中 有少少肥肉 但唔係太夠味 但加上雞排 唔會太鹹 反而更好！值得一試