影片
更多
2008-07-28
11 瀏覽
昨晚同BB, 同2位友人喺度食飯.6點10分嚟到攞位, 門口巳經見到有堆人喺度等緊位, 幾誇張~ 之後等到6點45分先有位, 耐就唔係好耐, 不過, 咁早都要等一段時間就誇咗d一坐低, 侍應們拎咗碟餐前小食-肉鬆青瓜, 我地唔係咁有興趣, 同佢地講唔要, 佢地即刻拎開, 都無話黑面, ok ! 茶我地就要咗碧綠春, 味道都幾得意! 大家都好興奮咁叫嘢食, 樣樣都話想叫, 但個肚真係放唔落咁多, 最後叫咗 :一口小籠包-28蚊8隻 : 熱辣辣, 皮都算薄, 內裏好多汁, 幾好味水煮蟮片-78蚊 :賣相好靚, 好香麻辣, 味道都唔錯, 但份量太小, 得幾片蟮片, 同小小芽菜喺底, 貴咗d紅油抄手-28蚊 : 都幾辣, 味道幾好, d雲吞好重肉味 担担麵-26蚊 : 我地要咗中辣, 花生醬好香, 麵都爽口, 唔錯, BB食咗2碗鮮魚羹-88蚊 : 呢個淡咗D, 可能我地之前食咗濃味嘢, 今次就好一般, 唔值呢個價榨菜肉未跟X子燒餅-68蚊 : 個榨菜肉未無咩味, 但個X子燒餅好好味, X子燒餅-23蚊 : 呢個我地後加上去干扁四季豆-48蚊 : 呢個炒得幾香口, 但油咗D高力豆沙-10蚊
6點10分嚟到攞位, 門口巳經見到有堆人喺度等緊位, 幾誇張~ 之後等到6點45分先有位, 耐就唔係好耐, 不過, 咁早都要等一段時間就誇咗d
一坐低, 侍應們拎咗碟餐前小食-肉鬆青瓜, 我地唔係咁有興趣, 同佢地講唔要, 佢地即刻拎開, 都無話黑面, ok ! 茶我地就要咗碧綠春, 味道都幾得意! 大家都好興奮咁叫嘢食, 樣樣都話想叫, 但個肚真係放唔落咁多, 最後叫咗 :
一口小籠包-28蚊8隻 : 熱辣辣, 皮都算薄, 內裏好多汁, 幾好味
水煮蟮片-78蚊 :賣相好靚, 好香麻辣, 味道都唔錯, 但份量太小, 得幾片蟮片, 同小小芽菜喺底, 貴咗d
紅油抄手-28蚊 : 都幾辣, 味道幾好, d雲吞好重肉味
担担麵-26蚊 : 我地要咗中辣, 花生醬好香, 麵都爽口, 唔錯, BB食咗2碗
鮮魚羹-88蚊 : 呢個淡咗D, 可能我地之前食咗濃味嘢, 今次就好一般, 唔值呢個價
榨菜肉未跟X子燒餅-68蚊 : 個榨菜肉未無咩味, 但個X子燒餅好好味,
X子燒餅-23蚊 : 呢個我地後加上去
干扁四季豆-48蚊 : 呢個炒得幾香口, 但油咗D
高力豆沙-10蚊 : 即叫即炸, 好香, 裏面有D香蕉同豆沙, 幾好味
桂花糕-23蚊 : 有6舊, 好清甜, OK
服務都可以, 但無之前咁好啦, 成日一食完嘢, 佢趕住嚟收, 個感覺係趕你走, 但做嘢都算快手快腳.
連加一茶錢, 承惠540蚊
張貼