聚聚 (已結業)

今日同爸爸黎到呢間聚聚食飯，入到去坐低覺得環境都坐得幾舒服，睇餐牌感覺佢既中菜既有傳統既，又有創新既，就叫左幾道黎試試佢。🍚火焰菠蘿炒飯：比起中菜，個樣似泰國菜多啲😂，上枱時侍應會用火槍噴著菠蘿面頭既酒精，形成「火焰菠蘿」，裡面既炒飯十分足料，又有蝦又有瑤柱又有蜆又有菠蘿粒，開胃好食，可以話係中泰Fusion菜，泰中意了。🐮土炮安格斯牛叉燒：第一次食用牛肉整既叉燒，又冇咩違和感喎，安格斯牛肉味濃，燒出黎非常霖，味道帶少少甜味，好食😋。🐤嫩滑無骨雞伴濃湯翡翠苗：雞肉無骨方便食用，係有少少鞋唔夠嫩滑，濃湯就夠鮮甜，翡翠苗都OK，唔錯👍🏻🐟鮑汁扣原條花膠：花膠炆得相當霖滑，鮑汁味道濃郁，食完隻碟都差啲想舔埋。整體黎講，佢既菜式敢於創新，食物質素有水準，雖然價錢稍貴，都會再黎食。