治癒菓子

營業中

休息中

不得了不得了！終於有機會試到佢啦！襯著閨蜜放假過黎，老細又唔係公司，偷走出黎排隊買泡芙！見到instagram寫每人只可以買4個，點知真係好多人排隊！5點半出爐，我大概都係5點搭5去到，已經...排完籌！估唔到哩d時間都咁多人排隊，求神拜佛前面嘅客人唔好買晒...！終於到我啦！竟然仲有4個quota！不過淨返兩隻味，我每樣揀左兩隻 - 藍莓乳酪同埋玄米麻糬。咁啱個日會去慶祝婆婆生日，順便帶去同屋企人分享。因為冇即刻食，泡芙個皮已經淋左，下次一定要即刻食！藍莓乳酪比較清新，味道較淡，玄米茶味道濃dd。最讚嘅係大大舊嘅軟綿綿麻糬！下次想試d重味小小嘅味道！不過手作明白會貴dd，等有藉口再獎勵自己先哈哈