紹華小廚

營業中

休息中

天寒地凍，愛吃既你第一時間會諗起乜？打邊爐？一品窩？其實都岩既，全部食完都係暖粒粒！不過今日想同大家介紹下哩間煲仔飯，食完仲暖過暖粒粒呀😂 雖然我住喺新界區，但有好野食我幾遠都會去嫁。煲仔飯一上枱就勁香！店員即刻開蓋幫我地淋豉油，d飯粒粒分明有口感，仲吸收左面頭材料既味道，再加埋豉油真係淨食d飯都覺得正呀😜 重點當然係煲底既飯焦啦！雖然唔係成個底都有，但起碼每一塊飯焦都好脆！好少膿既飯！我食煲仔飯最鐘意食到痴哂牙呀😁😁黄鱔豬潤煲仔飯…黄鱔肉質爽滑，魚皮位帶少少韌勁，味道都幾新鮮幾有鱔香味…而豬潤就不過不失啦，起碼唔鞋唔韌冇澀味！滑雞田雞煲仔飯…兩隻雞味都超級香！肉質仲幾嫩滑添。其實我都幾鐘意食田雞，因為d肉一球球咁，好得意好好咬😂😂 食果時記住要斯文d，慢慢細細啖食丫！筆起之後要吹多兩吹先唔會辣咀喔🙊😚