家嫂

營業中

休息中

同事介紹家嫂呢間放題話好好食，所以今次就約埋朋友平日嚟食家嫂,，嚟之前一定記得要訂位，平日都好爆場。刺身：會按返人頭比幾多刺身，刺身好新鮮一啲都唔馬虎，而且食落好肥美一啲都唔腥。小食: 酥炸蝦多士必叫食落好彈牙，炸到外層好鬆脆，仲有螺肉沙律、白酒蜆肉,、酸蘿蔔皮蛋、酸甜炸茄子、酸菜魚，今次食唔到我最想食嘅紅糖糍粑😭。飲品：有架酒車會推出嚟比大家飲添紅酒白酒，而且仲有好養生嘅飲品大約有8款比你選擇。雞煲(小辣): 雞肉幾嫩滑食落唔會好乾好韌，配埋蜆肉豬皮好吸醬汁，食落幾惹味。火鍋: 總共有7款湯底可以比你簡，今次試左個芫茜皮蛋茶瓜鍋， 而配料方面有好新鮮嘅海鮮拼盤，最鍾意食係鮑魚好彈牙之如仲好淋，生蠔大大粒同好肥美食落好鮮甜，另外仲有三色丸、牛肉片、豚肉片、炸魚皮、雲吞、餃子等等，好多款式比你慢慢品嘗。