8Five2 Restobar

營業中

休息中

店員服務態度唔係幾好，一開始OpenRice book位寫有優惠，但入座都冇講話個優惠要點用。我哋四個人嗌咗四個主菜，包括：豬肉酥餅，魚嘅Taco, 豬仔骨同西班牙飯。豬肉酥餅味道OK, 係正常墨西哥口味。魚Taco和豬仔骨亦正常。但個西班炒飯就完全唔掂，又唔係risotto 又唔係西班牙海鮮飯。我哋用餐期間店員不斷催促我哋嗌嘢飲，但係我哋當時未想飲，所以冇嗌住，但佢都吹咗幾次，而且態度唔係幾好。我哋都冇深究點解我哋一定要嗌嘢飲，但見佢講咗咁多次，我哋就一人嗌咗一杯。然後飲緊嘢嘅時候，店員又再俾個Menu我哋，話我哋要嗌夠四個main course先有優惠，擺低本Menu就走咗。跟住我哋同另一個店員確定我哋已經嗌咗四個main course(每人一個），所以已經有優惠。唔明點解會再俾Menu我哋叫我哋嗌多樣嘢食。