Go Inside Kitchen (已結業)

得知觀塘有間社企餐廳，同朋友去試下先，食lunch時段，都好多人，餐廳坐滿曬人，但服務員的服務依然好好，帶位落單覆單招呼都好好。其實地方都幾大，店員就安排左我地坐入面近窗既位，好光猛，Menu上Set Lunch都有好多選擇，而且包埋餐湯，主菜及飲品餐湯係粟米忌廉湯，超大碗，有粟米粒同小小肉粒，比平時的餐湯多一倍，再配埋好香脆的蒜蓉包，應該係即烘，蒜味濃，超正。我叫了新鮮澳洲肉眼扒伴紅酒汁$138，再加了$8 叫了意粉，估唔到係用蕃茄炒的，越食越開胃，牛扒煎得香，叫了五成熟，牛肉汁Juicy，肉質夠淋。再加了$15配左個黑松露蜜糖雞翼，焗得好好味，沾滿蜜糖的雞翼，食到微微的黑松露香味。另一個餐叫了香煎原條龍脷柳配牛肝菌忌廉汁$108，好大塊，肉質唔會好散，餐飲叫了熱咖啡同熱檸水。走時過了兩點，啲座位都多返。