影片
更多
2015-11-10
370 瀏覽
操完泰拳返到上水食個十點的晚飯，人家本來去上海小館想飲黃魚湯架麻，點知今晚十點收拉閘收檔囉！好想飲湯，唯有就近轉角飲蛇湯，食蛇汁雞啦！多謝 $140。食客多、貨去得又多又快，真係特別新鮮 好、熱辣辣架喎！今晚又滿座？真係秋風起三蛇肥咩？台台都叫糯米飯架，勁香呀 ﹗仲要係雙腸糯米飯，仲要好賣相靚仔添。似乎好食過以前喎，好想試 ﹗但剛操完泰拳唔想破戒，傷左膊頭休息左成個月 又放縱左成個月仲要勁飲勁食，唔想第一日 on diet 就失敗，要搣返依個月重左? 8 磅呀！蛇湯，一步入蛇舖已被四方八面既蛇湯、蛇羹香味牢牢地縛住，走唔甩架喇 ﹗蛇湯滾熱辣送上，芳香無比啊，索一索都舒筋活骼、索一索精神爽利啦 ﹗忍不住大啖飲一口，嘩 ﹗堅熱，熱到颷眼水呢 ﹗小心啲慢慢飲先得喇。湯當然最緊要熱，食材夠熱先可以釋放出香氣麻！攤一陣凍少少先，溫度剛好燙嘴好舒服，香噴噴細唊一口，清甜無比藥材蛇湯，湯汁味道濃郁而不濁，真材實料，勁好飲呢。藥材味道香濃而帶甜，湯汁質地夠厚，無話水汪汪，高質又美味 ﹗蛇汁雞半隻，好邪惡既食物，所以叫淨雞唔要飯，因為個蛇汁唔撈返兩三碗飯係唔會停手架！神秘咸香非常醒胃，咸中又帶甜味，好困
操完泰拳返到上水食個十點的晚飯，人家本來去上海小館想飲黃魚湯架麻，點知今晚十點收拉閘收檔囉！好想飲湯，唯有就近轉角飲蛇湯，食蛇汁雞啦！多謝 $140。食客多、貨去得又多又快，真係特別新鮮 好、熱辣辣架喎！今晚又滿座？真係秋風起三蛇肥咩？台台都叫糯米飯架，勁香呀 ﹗仲要係雙腸糯米飯，仲要好賣相靚仔添。似乎好食過以前喎，好想試 ﹗但剛操完泰拳唔想破戒，傷左膊頭休息左成個月 又放縱左成個月仲要勁飲勁食，唔想第一日 on diet 就失敗，要搣返依個月重左? 8 磅呀！
蛇湯，一步入蛇舖已被四方八面既蛇湯、蛇羹香味牢牢地縛住，走唔甩架喇 ﹗蛇湯滾熱辣送上，芳香無比啊，索一索都舒筋活骼、索一索精神爽利啦 ﹗忍不住大啖飲一口，嘩 ﹗堅熱，熱到颷眼水呢 ﹗小心啲慢慢飲先得喇。湯當然最緊要熱，食材夠熱先可以釋放出香氣麻！攤一陣凍少少先，溫度剛好燙嘴好舒服，香噴噴細唊一口，清甜無比藥材蛇湯，湯汁味道濃郁而不濁，真材實料，勁好飲呢。藥材味道香濃而帶甜，湯汁質地夠厚，無話水汪汪，高質又美味 ﹗
蛇汁雞半隻，好邪惡既食物，所以叫淨雞唔要飯，因為個蛇汁唔撈返兩三碗飯係唔會停手架！神秘咸香非常醒胃，咸中又帶甜味，好困惑又好好味 ﹗配飯如虎添翼、情緒失控地不斷耙，直至所有飯粒都掃清為止 ﹗切雞帶清爽雞味，雖然味淡但還隱約散發出雞甜味，淋上大量香甜蛇汁，將每片肉都注滿靈魂，食落美味無窮 ﹗肉嫩皮滑，滿意滿意。
蛇羹，order 後十多秒就送到，香噴噴搞到口水直流。試啖原味蛇羹先，高質上湯非常甜美，質地夠膠夠厚又黏黏的，但唔會成口生粉，好功夫 ﹗加上大量蛇肉、肉絲、木耳絲、冬菇絲，份外濃郁而味道多變多層次。原汁原味品嚐完，加醋加胡椒粉試試另一風味先。酸酸甜甜既浙醋份外醒胃，一食就停唔到手。前排睇電視位大廚解釋浙醋並不是撈魚翅食的，係提供比食客食完翅清清味蕾及舌頭、清清芡汁糊口感覺的呢。但唔知道幾時開始食客們當左浙醋係魚翅調味料囉，芽菜、芫茜同樣係比食客品嚐完碗翅先食架。依碗蛇羹原味也好、落調味也好，都同樣出色，好好味呢 ﹗
張貼
