亞泰

營業中

休息中

去唔到泰國唯有食吓泰國菜，今次已經係第二次黎亞泰食lunch啦！鍾意呢度坐得舒服唔會好迫，價錢唔貴份量仲好足。火車頭雜錦船河真係好大碗超足料！裡面有肥牛、扎肉、貢丸、豆卜、炸豬皮等，一碗有曬唔同配料，岩曬我呢啲有選擇困難症嘅人！佢嘅湯底濃郁，河粉又夠滑，正！泰式海南雞伴油飯海南雞煮到岩岩好，夠曬滑又夠鮮味，油飯粒粒分明好香口，配埋啲醬撈飯一流！泰式拼盤裡面有蝦餅、春卷及鳳凰卷，全部都炸得好脆仲熱辣辣，最鍾意個蝦餅，夠大件又彈牙！下次黎康城嘅話一定會再食！