影片
更多
2017-08-28
2584 瀏覽
本來係想去新開嘅甜圓坊試下，點知新店都受歡迎到爆，下晝去到已經話冇哂甜品，唉，失望之際，我唯有重投至愛康瑞懷抱。唔知係咪因為正值晚飯時間，人流唔多，感覺熱潮冇之前咁誇張，畢竟芋圓、糖水嘅選擇多，加上人類都係貪新鮮的。以甜品店而言，我覺得店內佈局簡潔，算坐得幾舒適，冷氣又夠大，好似我呢挺自體發熱嘅人入到去，都迅速cool down。甜品選擇唔多，主要係仙草、桂棗雪耳、紅綠豆沙、腐竹、姜汁、蓮子、西米露等12款，定價 $20/25，視乎有冇配上芋圓、地瓜圓、小丸子。另有飲品、啫喱、糖不甩。特式仙草百配芋圓、地瓜圓、小丸子$25因為黎過幾次，都係食呢款仙草百配，有理由相信唔同師傅做，份量係唔同，第一次食配料好少，仙草好多，之後兩次食份量就平衡啲。仙草依然係最滑溜，帶微微甘香。芋圓、地瓜圓、珍珠都好煙韌，唔會實的的，芋圓偏淡，地瓜圓少少甜，好食啲仲有西米、紅豆、薏米、珍珠，配料非常多，甜度適中，唯一挑剔係佢地嘅糖水比較養生，即使你揀凍食，都唔係好凍。椰奶紅豆沙配芋圓、地瓜圓、小丸子 $25糖水質地比較稀身，加入椰奶，味道冇一般紅豆沙咁香濃，亦冇起哂沙，但食落幾清幾潤。至愛什果啫喱 $18當日心
唔知係咪因為正值晚飯時間，人流唔多，感覺熱潮冇之前咁誇張，畢竟芋圓、糖水嘅選擇多，加上人類都係貪新鮮的。
以甜品店而言，我覺得店內佈局簡潔，算坐得幾舒適，冷氣又夠大，好似我呢挺自體發熱嘅人入到去，都迅速cool down。
甜品選擇唔多，主要係仙草、桂棗雪耳、紅綠豆沙、腐竹、姜汁、蓮子、西米露等12款，定價 $20/25，視乎有冇配上芋圓、地瓜圓、小丸子。
另有飲品、啫喱、糖不甩。
特式仙草百配芋圓、地瓜圓、小丸子$25
因為黎過幾次，都係食呢款仙草百配，有理由相信唔同師傅做，份量係唔同，第一次食配料好少，仙草好多，之後兩次食份量就平衡啲。仙草依然係最滑溜，帶微微甘香。芋圓、地瓜圓、珍珠都好煙韌，唔會實的的，芋圓偏淡，地瓜圓少少甜，好食啲仲有西米、紅豆、薏米、珍珠，配料非常多，甜度適中，唯一挑剔係佢地嘅糖水比較養生，即使你揀凍食，都唔係好凍。
椰奶紅豆沙配芋圓、地瓜圓、小丸子 $25
糖水質地比較稀身，加入椰奶，味道冇一般紅豆沙咁香濃，亦冇起哂沙，但食落幾清幾潤。
至愛什果啫喱 $18
當日心情麻麻，貪得意叫埋啫喱試下，一份五件各種形狀嘅啫喱，顏色幾靚，成功令我心情好啲啲咁多。
啫喱都係一般士多啤梨、蜜瓜、橙等味道，偏甜嘅，但冇藥水味，過下口癮，不食也可。
我地就唔太鐘意甜嘅芋圓，所以一直覺得康瑞嘅幾好食，另一間點點甜都過得去。之前都講過，如果你鐘意海記、木子甜品嗰種芋圓嘅甜度同煙韌度，好大機會會覺得康瑞嘅偏淡、偏腍。糖水甜品同所有食物一樣，好講個人口味，啱我食唔等如啱你食。
張貼
