影片
更多
2020-10-16
6615 瀏覽
我其中一位最好嘅朋友就嚟要出國進修，呢晚就同佢餞行，我專登揀咗一間🥦素菜館同佢食，因為佢近年開始茹素。我上網搵完一輪，揀咗位於銅鑼灣登龍街嘅「素.喜.館 」。由於訂咗位，店員秒速安排我哋入座。餐廳主要由一位男店員負責樓面，佢超好人同超有禮貌😊，大大提升整個用餐體驗。餐廳嘅餐牌好簡單，就係得一個每位$275(免加一服務費)嘅晚市套餐🍽，全部項目已經Set好哂，由前菜到甜品都有，好豐盛。咁嘅設定好似食日式料理廚師發辦👨🏼🍳，但呢度係素菜版。先嚟前菜小食四款嘅第一款：酸辣四季豆。佢真係好適合作為全餐第一樣放入口嘅菜式🈴。因為酸辣味好出，好開胃，但又唔會難接受。之後就一次過上埋另外三款3️⃣前菜小食。桂花蜜漬小蕃茄🍅，兩粒去皮蕃茄仔好甜啊，好好食，完全唔酸，不過桂花香就唔算太突出。蛋黃醬拌橄欖脆餅🥨，四款小食之中佢最好食，兼最養眼。脆餅上面有蛋黃醬沙律蛋連青瓜粒，再上面就應該係南瓜蓉加橄欖。成個組合無論味道定層次口感都好豐富！焗釀燕麥鮮冬菇🍄，冬菇焗到微微燶邊好正，釀燕麥就呈金黃色，造型同煎釀魚肉三寶好似，個人認為仲好食啲添，因為無咗魚肉嘅腥味。烤焗紅菜頭柚子沙律🥗，沙律個擺盤幾靚，有啲似藝術品
我其中一位最好嘅朋友就嚟要出國進修，呢晚就同佢餞行，我專登揀咗一間🥦素菜館同佢食，因為佢近年開始茹素。我上網搵完一輪，揀咗位於銅鑼灣登龍街嘅「素.喜.館 」。
由於訂咗位，店員秒速安排我哋入座。餐廳主要由一位男店員負責樓面，佢超好人同超有禮貌😊，大大提升整個用餐體驗。
餐廳嘅餐牌好簡單，就係得一個每位$275(免加一服務費)嘅晚市套餐🍽，全部項目已經Set好哂，由前菜到甜品都有，好豐盛。咁嘅設定好似食日式料理廚師發辦👨🏼🍳，但呢度係素菜版。
酸辣四季豆
44 瀏覽
1 讚好
0 留言
之後就一次過上埋另外三款3️⃣前菜小食。
桂花蜜漬小蕃茄
29 瀏覽
0 讚好
0 留言
蛋黃醬拌橄欖脆餅
38 瀏覽
0 讚好
0 留言
焗釀燕麥鮮冬菇
26 瀏覽
0 讚好
0 留言
烤焗紅菜頭柚子沙律
39 瀏覽
0 讚好
0 留言
烤焗紅菜頭柚子沙律🥗，沙律個擺盤幾靚，有啲似藝術品。沙律落咗柚子，味道變得清新，亦都中和咗黑醋嘅酸。不過紅菜頭應該唔係菜名所述嘅經烤焗，食落同一般嘅無分別，但並唔影響沙律嘅味道。
鮮淮山甘荀湯
31 瀏覽
0 讚好
0 留言
跟湯嘅餐包幾有誠意，大塊麵包好鬆軟🍞，餅乾條就好脆。
黑松露芝士炸薯球
37 瀏覽
0 讚好
0 留言
點知驚喜陸續有來，咬開之後發現薯球入面有好香嘅黑松露同拉絲濃郁芝士🧀，同薯仔層好夾，好美味。
綠色全蔬腰果仁耳朵粉
34 瀏覽
0 讚好
0 留言
綠色全蔬腰果仁耳朵粉
38 瀏覽
0 讚好
0 留言
伯爵茶朱古力奶凍
82 瀏覽
0 讚好
0 留言
伯爵茶朱古力奶凍🍮，呢個奶凍甜品無得彈，外表平平奇奇，以一個迷你玻璃樽仔裝住。🍫朱古力嘅部份集中係奶凍面頭嘅朱古力粉，伯爵茶味嘅奶凍先係主角。奶凍口感細滑，入口即溶，伯爵茶味濃而不澀，亦唔會過甜，出色！
養生黑豆茶🍵，茶就係全晚最失色的，因為好淡，沖緊都仲係唔夠味，水咁嘅色，後尾好奇打開發現應該關黑豆落得唔夠多事🙈。不過整體對晚餐都唔大影響嘅，有少少美中不足而已。題外話，餐廳晚市做指定晚餐，午市就有各種多國菜嘅套餐選擇。
環境方面，餐廳簡潔整齊，紅色同綠色嘅牆身令人好舒服💚。
總括嚟講，素喜館係一間唔錯嘅素菜館，每道菜色均係色香味俱全😋，就連我呢隻食肉獸都非常滿意。我知道餐廳每個月都會轉餐牌，有機會想再幫襯試吓。其實素菜都真係可以好好食，而且感覺仲健康啲添，又為環保減炭出一分力♻️。
張貼
