更多
2010-01-09
35 瀏覽
最近在無記的 "港生活‧港享受" 節目看過周師傅專訪, 今次有幸嚐到多款創意菜色, 實在禁不住要讚歎周師傅嘅匠心廚藝.http://programme.tvb.com/lifestyle/dolcevita/video/377/103357以住松露主要用於西式烹調, 周師傅今次能突圍而出, 設計一系列黑松露中菜, 的確唔係度度食得到. 師傅所選用的, 均來自著名松露產地-法國, 論香氣, 論味道, 絶不比西菜遜色, 只要配搭得宜, 一樣可以把松露嘅芳香濃郁帶出, 好菜難求, 一生人點都要試一次 !要松露發揮佢獨特嘅香味, 火侯當然要控制得好, 當晚共有9道菜, 均是周師傅對不同食客的細意安排, 盡顯體貼.先有打頭陣創意新菜 - 黑松露菌炒桂花海虎翅, 上菜時大家相當興奮, 點解?! 因為師傅交足貨, 松露份量絶無偷工減料. 魚翅食得多, 一般只作湯羮, 炒魚翅都係第一次食, 眼見翅針每條分明, 質感很好, 配以炒蛋銀芽, 令整道菜層次感豐富好多, 再細心感受一下黑松露嘅香味... 我而家只想好好享受呢一刻~ 第二道濃湯 - 花膠響螺龍躉骨, 聽起來沒什麼特別, 然而, 令我印象深
http://programme.tvb.com/lifestyle/dolcevita/video/377/103357
以住松露主要用於西式烹調, 周師傅今次能突圍而出, 設計一系列黑松露中菜, 的確唔係度度食得到. 師傅所選用的, 均來自著名松露產地-法國, 論香氣, 論味道, 絶不比西菜遜色, 只要配搭得宜, 一樣可以把松露嘅芳香濃郁帶出, 好菜難求, 一生人點都要試一次 !
要松露發揮佢獨特嘅香味, 火侯當然要控制得好, 當晚共有9道菜, 均是周師傅對不同食客的細意安排, 盡顯體貼.
先有打頭陣創意新菜 - 黑松露菌炒桂花海虎翅, 上菜時大家相當興奮, 點解?! 因為師傅交足貨, 松露份量絶無偷工減料. 魚翅食得多, 一般只作湯羮, 炒魚翅都係第一次食, 眼見翅針每條分明, 質感很好, 配以炒蛋銀芽, 令整道菜層次感豐富好多, 再細心感受一下黑松露嘅香味... 我而家只想好好享受呢一刻~
第二道濃湯 - 花膠響螺龍躉骨, 聽起來沒什麼特別, 然而, 令我印象深刻, 賣點何在? 當然係超足料嘅用量, 飲落口, 沒有其他湯比它更鮮甜, 差啲以為落左味精, 簡直係海鮮嘅精華, (唔好意思.. 媽咪靚湯都要讓一讓位喇!!) 魚湯不是完全奶白, 因為還有濃濃嘅花膠響螺色調, 湯渣都好好食, 花膠非常滑, 響螺非常"林".
第三道 fusion 菜 - 黑松露菌焗生蠔, 蠔絶對新鮮, size 大又肥美, 美中不足的是, sauce 略為多, 未能嚐到蠔與松露之間嘅化學作用. 話雖如此, 這道依然是不錯的, 蠔的口感依然軟滑, 而且有淡淡松露香味.
第四道清雅菜色 - 黑松露菌百花台, 賣相吸引, 心形豆腐釀入三種魚茸-鯪魚/石斑/塘虱, 打個白松露"獻"汁, 黑松露甘香, 豆腐超滑, 魚茸鮮甜, 最健康不過, 老少咸宜. 好想知道, 點解可以做到每個心心都完好無缺?! 周師傅嘅各個奬項唔係浪得虛名 ga~
第五道招牌菜 - 黑松露菌炒牛奶, 呢道菜香氣最濃郁, 未上菜已聞到陣陣松露甘香, 牛奶炒得嫩滑, 加入份量不少的黑松露, 平凡中見矜貴. 由於炒牛奶質感與松露茸相似, 就好似啖啖松露放入口一樣, 滋味難以形容, 我地班女仔最 like ~~~
第六道得奬菜 - 白松露菌蜜汁脆皮雞, 我想無需多介紹了, 每位去過庭苑嘅食家都應該試過, 雞皮又薄又脆, 還有白松露汁, 大家有冇興趣試一試?
第七道飽肚菜 - 黑松露素焗飯, 沒有肉, sauce 味道依然吸引, 整個飯感覺有點像 Risotto. 講到 Risotto, 其實 Casa Fina 嘅先係我最鍾愛......
第八道窩心甜品 - 杏汁燉官燕, 師傅太細心了, 把杏汁和燕窩分開上, 杏汁濃淡可自行調教. 首先試純燕窩, 有很香很香的蛋白味, 不太甜, 由於火侯控制得好, 大約燉 30 分鐘, 燕窩唔會溶晒, 啖啖有咬口, 頓時浸在幸福感覺之中. 再加杏汁試試, 又另有一番味道, 口感濃滑左好多, 蛋白味少左, 杏香多左, anyway, 層次進一步提升~!!
完美句號 - 黑松露綠茶糯米卷, 軟而細滑嘅糯米卷就咁食已經好正, 加埋份量十足嘅黑松露, 相當特別.
還有個遺憾... 白松露呢? 今次只是輕輕帶過, 要對得住自己, 下次一定要試多幾個白松露菜色!!
有咁別出心裁嘅佳餚, 而且松露秋冬當造, 食家們, 仲等咩?!
張貼