八月花 (又一城)

營業中

休息中

粵菜講求食材嘅鮮味，味鮮而不膩，可謂粵菜嘅精粹。今次嚟到 #又一城 嘅八月花分店，帶大家去試下多款新派粵菜，款款色香味俱全！餐廳環境比坊間嘅中菜館更寬敞，仲設有半圓形嘅卡座，一大班朋友一齊食都啱晒！鵝肝蟹子脆春卷融入香脆嘅炸春卷包裹住香滑嘅鵝肝，再沾上滿滿蟹子，多層次口感令人再三回味。一口南非鮑魚撻酥炸嘅撻皮上面放入一口大小嘅鮑魚，鮑魚爽口又咸中帶甜。招牌酥脆鮮蝦腸粉必食推介！彈牙腸粉包住酥脆嘅炸皮和新鮮大蝦，每一啖都係大海嘅呼喚。香烤深海白鱈魚 厚身鱈魚烤焗至金黃色，未上枱已經香氣逼人，魚皮香脆，魚肉又鮮嫩多汁。西班牙手抓胡椒豬肋排特別選用海南島乾胡椒碎醃製，豬肋排份外肉質軟腍，份量十足，散發住濃濃胡椒香！雲呢拿雪糕伴嫲嫲餅新鮮熱辣出爐嘅嫲嫲餅，配上冰凍嘅雲呢拿雪糕，冰火雙重享受。雪燕紅豆凍豆腐花幼滑嘅豆腐花配搭冰凍嘅 #雪燕 同綿密紅豆，為炎炎夏日降降溫。花果奇緣茶底用上茉莉花茶，入面加入左多款新鮮生果：西瓜、士多啤梨、青蘋果、蘋果、藍莓。打卡一流，鍾意水果嘅人唔可以錯過啦。