朱敏記桑拿菜 (已結業)

朋友住係土瓜灣，成日同我講土瓜灣馬頭圍道嘅朱敏記桑拿菜好好食，今日就同佢去試下。一入到去，真是好熱鬧，已經有好多人，環境佈置好舒服，牆上放左D盆栽及小擺設。朱敏記大牌檔有好多好嘢食，可以食火鍋、海鲜、雞煲，我地揀左出名的金牌胡椒豬雜鍋。點解揀金牌胡椒豬雜鍋？無他，因可以補肺止咳，補中益氣，對近排有少少咳嘅我有幫助。無幾耐一陣濃厚嘅胡椒味飄來，就有人送上一大個豬雜鍋，我見到鍋裡面有好多大大片的豬雜，有專人用鉸剪將豬雜剪细，方便我地食用。我地夾起來，見每件豬雜都是厚肉，絕不欺場，尤其是豬肚，大大厚厚，入口爽，加上濃濃的胡椒味，真好食，無得頂。食完第二日，咳真是少左，正！