黃師傅 (已結業)

有朋友話附近有間點心系以前美心副總廚開。夜晚9點幾無野做去試下啦，款式不多，第一次去反而D特別野無點(例如鵝肝蝦餃，鮑魚燒賣..)叫左普通燒賣，一盅湯($38),黑芝麻流沙包,麻醬青瓜,棉花雞,蘿卜糕...全部好食!湯2個人叫一盅就夠，非常足料，湯味濃，D料好入味。麻醬青瓜好大碟，加埋D蝦仔一齊食好香。棉花雞，燒賣都比一般點心鋪好食好多，唔知點形容比大家聽，但總之就系香D，滑D,好味D,你一食落口就知佢唔系普通料，絕對系有心之作!黑芝麻流沙包未食到入面已覺得D包好香,佢裏面好多黑芝麻，夠甜，正!蘿卜糕好多蘿卜，唯一要彈系唔夠臘味。原本想試埋甜品，但太飽,唯有下次再試，甘好食又抵，反正一定再黎。