Y Pasta (已搬遷) 新店位置

環境4分：簡單西餐廳格局，白磚牆配雲石枱同藍皮櫈，望落好舒服，可以畀四分。衛生4分：開放式廚房望落都OK乾淨.，枱面有叉，匙羮，同紙巾，都可以畀四分。服務5分：侍應禮貌好，埋位即有水飲，落單上菜又夠爽手，五分。味道5分：1)      沙律入面Ｄ菜非常新鮮，同埋Ｄ沙律汁非常開胃。2)      碟忌廉菠菜三文魚意粉超級彈牙，Ｄ忌廉汁唔太漏，連埋Ｄ菠菜同三文魚一齊食 就非常好味。3)      個牛油白酒藍青口扁意粉都好彈牙，蒜香白酒汁又夠light，有八隻青口好足料。4)      跟餐個雲尼拿奶凍唔太甜，又夠彈。5)      跟餐叫果杯蜂蜜凍飲好清好潤。抵食4分：食個意粉午餐一百蚊左右，包左沙律或湯，甜品同飲品，一Ｄ都唔貴。