意粉狂熱 (屯門時代廣場北翼)

營業中

休息中

前幾日去屯門市中心逛街，晚上我好想食意大利粉，朋友提意去意粉狂熱，店面感覺幾時尚，座位亦寬敞，店員招呼幾殷勤有禮。軟殼蟹配海膽忌廉汁鮮製意粉，賣相已很吸引，有一大隻軟殼蟹，都幾足料，軟殼蟹外皮炸得酥脆，裏面能保持有肉汁，幾惹味。鮮製意粉較粗身，煙韌彈牙，配上海膽忌廉汁，上面還有些蟹子，口感一流。加28元還送磨菇湯及飲品，都幾抵食，磨菇湯幾濃郁，混合很多磨菇碎，好香磨菇味，不錯。鮭魚牛油果忌廉焗飯，有濃郁的芝士忌廉味，飯粒香滑，鮭魚配搭牛油果，幾清新，食味不錯，而且不會太膩。明太子海鮮披薩，餅底薄而脆，入口幾香，上面有不同的海鮮粒，幾有口感。香濃朱古力窩夫，窩夫深啡色，配上雪糕和小蛋糕，擺碟好吸引，令人好有食慾。窩夫微脆，其實是脆中有軟，朱古力香味濃郁，加上雪糕一齊食，超正，這個一定要試。