影片
更多
2023-03-05
410 瀏覽
難得早放工就想食餐好，朋友話有間意粉幾好食就去試吓。龍蝦湯熱辣辣，非常可口。而且因為加咗忌廉，口感順滑。龍蝦味道十分濃郁而且有鮮味，且咸香十足，蝦肉亦都係十分之爽口彈牙。香濃野菌湯，同龍蝦湯一樣熱辣辣，而且非常足料。除咗本身有野菌嘅香味，入口嘅時候亦都有淡淡的菇蓉，佢Blend嘅程度十分之好，口感香滑濃郁。亦都有一啲香草做點綴，令到味道嘅層次更加豐富。酥炸雞髀菇配拉絲芝士醬，雞髀菇有好濃郁嘅天然菇香，同埋彈牙嘅質感，同雞肉口感以及味道類似。加上油炸過後，酥香滋味，香脆可口，值得一讚嘅係佢哋炸皮唔會話好厚，炸完之後亦都有調味。芝士更加有熱過，令到嚿菇可以均勻咁沾滿芝士汁。同時芝士味比較淡，並唔會蓋過雞髀菇嘅鮮味，伴碟嘅沙律菜同埋蕃茄都係好爽口。芝士份量都好多，唔會話唔夠喉。酥炸軟殼蟹黃金忌廉蟹肉意粉方面，呢款意粉有鹹蛋黃、蟹肉以及蟹籽做餸。軟殼蟹原隻上碟，所以非常之大隻，有差唔多一個拳頭咁大，而且可以啖啖蟹肉。鹹蛋黃以及蟹籽粒嘅份量亦都好多，所以令呢碟意粉口感非常豐富。蟹肉方面，酥香十足，而且炸得非常脆口，並唔會咬唔開嘅，而且蟹肉蟹膏亦鮮甜味十足。意粉方面，意粉爽滑彈牙，口感滑膩。值得一
龍蝦湯熱辣辣，非常可口。而且因為加咗忌廉，口感順滑。龍蝦味道十分濃郁而且有鮮味，且咸香十足，蝦肉亦都係十分之爽口彈牙。
香濃野菌湯，同龍蝦湯一樣熱辣辣，而且非常足料。除咗本身有野菌嘅香味，入口嘅時候亦都有淡淡的菇蓉，佢Blend嘅程度十分之好，口感香滑濃郁。亦都有一啲香草做點綴，令到味道嘅層次更加豐富。
酥炸雞髀菇配拉絲芝士醬，雞髀菇有好濃郁嘅天然菇香，同埋彈牙嘅質感，同雞肉口感以及味道類似。加上油炸過後，酥香滋味，香脆可口，值得一讚嘅係佢哋炸皮唔會話好厚，炸完之後亦都有調味。芝士更加有熱過，令到嚿菇可以均勻咁沾滿芝士汁。同時芝士味比較淡，並唔會蓋過雞髀菇嘅鮮味，伴碟嘅沙律菜同埋蕃茄都係好爽口。芝士份量都好多，唔會話唔夠喉。
酥炸軟殼蟹黃金忌廉蟹肉意粉方面，呢款意粉有鹹蛋黃、蟹肉以及蟹籽做餸。軟殼蟹原隻上碟，所以非常之大隻，有差唔多一個拳頭咁大，而且可以啖啖蟹肉。鹹蛋黃以及蟹籽粒嘅份量亦都好多，所以令呢碟意粉口感非常豐富。蟹肉方面，酥香十足，而且炸得非常脆口，並唔會咬唔開嘅，而且蟹肉蟹膏亦鮮甜味十足。意粉方面，意粉爽滑彈牙，口感滑膩。
值得一讚係佢哋嘅意粉，係你可以比自己選擇，紐西蘭托托蜆意粉我就揀咗寬面，同平時出面有啲唔同，口感方面佢哋煮得啱啱好，口感唔會淋哂，非常之彈牙。然後托托蜆份量都好足夠，每一粒蜆都好大舊肉。而且海水味亦都好重，亦都冇沙。汁醬方面佢哋就用啲比較淡啲嘅普通牛油同蒜頭去煮，但平凡中就已經可以帶出佢嘅鮮味，啲汁醬亦都好多，令到意粉都好有蜆嘅味道。
最後凍熱情果汁酸酸甜甜，酸同甜嘅比例大概7:4。非常開胃解渴。蜂蜜檸檬亦都係甜度足夠，份量亦都係剛好。意粉質素幾好，加少少錢就可以有買湯同嘢飲，所以都係建議一定要加個套餐，抵食好多。
張貼
