潮發粥麵茶餐廳

營業中

休息中

喺尖沙咀海防道附近食lunch，乜嘢最多？梗係茶記味喇。今次就試咗一間叫潮發既小店。唔好睇佢鋪仔細細食嘢嘅種類都好多，除咗平時食開嘅粥麵類，佢哋仲搞搞新花樣，就係有麻辣嘅湯底， 可惜嘅係我唔食辣嘢。 嗰日腸胃又有少少唔舒服就簡簡單單咁 叫咗個牛腩魚蛋雲吞麵，姐姐話畀我聽呢啲都係佢哋出名嘅食物。講下個麵先啦個麵底就冇得輸，正宗港式鹼水雲吞麵好味道👍🏻，到白魚蛋， 咬落去彈牙爽口， 唔似人哋,咬落去成口都係粉。之後就到牛腩， 其實加牛腩都係鍾意食腩汁，可惜今次牛腩就冇乜腩汁， 同埋覺得佢 唔夠淋身 有少少黐牙。 最後就係雲吞， 雲吞咬落去都見到好多蝦， 不過唔知係咪大地魚粉落得比較多 有啲偏咸。