影片
更多
2014-10-11
1459 瀏覽
星期六課外活動完！當然要獎勵肥髀食餐好！同媽咪姨甥搵間好餐廳！呢間由星加坡引入！今個暑假去星加坡都無時間去試！今次去還心願！即日打電話去訂位！星期六居然仲有位！去到個場只有半滿！特別活動影響真大！環境較暗！昏黃燈光配深木傢俬，坐中央卡位，卡位好闊落（因為可以坐六人）兩邊卡位中央有條河分隔！河中有幾把蓮花燈！好詩意！不過無圍籬！肥髀同豬表妹又好好奇！真係怕佢哋會盅落水！枱面醬油同餐牌都好精緻！尤其個茶壺，銅製好保溫，又靚又實用！上開飯網搵定食家推介（唔會中招），叫了：三色瑪瑙蛋：係比參考相片吸引，個賣相好特別，至少屋企整唔到，似係三色蛋糕，食落味道咸咸地，咸蛋味為主，皮蛋味唔出，而咸味唔會好重，幾特別！不過食兩件都幾膩！撈拌海中寶：上枱見一大堆青蔥辣椒响面，以為好辣，食落酸多過辣，個汁配上煙韌海蜇，爽脆青瓜絲，仲有爽口蝦肉四粒！味道好配合！肥髀都食唔停口！媽咪直頭留起啲汁，再點其他食物食！皇朝小籠包：一籠8隻！8隻唔同色，賣相好靚！每一隻味道都唔同，我食了人蔘同麻辣，人蔘唔覺苦，基本上唔覺帶蔘味，麻辣係辣，湯汁有辣油，但唔算麻辣！（我自己唔食麻辣，唔鍾意個嘴唇麻痺晒）小籠包湯汁好多，但個
三色瑪瑙蛋：係比參考相片吸引，個賣相好特別，至少屋企整唔到，似係三色蛋糕，食落味道咸咸地，咸蛋味為主，皮蛋味唔出，而咸味唔會好重，幾特別！不過食兩件都幾膩！
撈拌海中寶：上枱見一大堆青蔥辣椒响面，以為好辣，食落酸多過辣，個汁配上煙韌海蜇，爽脆青瓜絲，仲有爽口蝦肉四粒！味道好配合！肥髀都食唔停口！媽咪直頭留起啲汁，再點其他食物食！
皇朝小籠包：一籠8隻！8隻唔同色，賣相好靚！每一隻味道都唔同，我食了人蔘同麻辣，人蔘唔覺苦，基本上唔覺帶蔘味，麻辣係辣，湯汁有辣油，但唔算麻辣！（我自己唔食麻辣，唔鍾意個嘴唇麻痺晒）小籠包湯汁好多，但個皮唔會穿（8隻都無穿）湯多到真係可以吸啜！托底唔係平時用紙，係一塊白布！唔知有乜分別！
豬骨湯鮮肉卷拉麵：豬骨湯無日式咁濃咁漿口，係比較清，但唔係淡，而係濃清湯，係好似砂鍋雲吞雞湯！濃而清！湯麵幼而滑，夠彈牙！豬肉片較硬！肉味濃！鹵蛋半熟唔錯，好好味！
檸檬蘆薈桂花蜜：上枱賣相好靚，好清新，一飲個蜜汁清甜，微微檸檬酸，蘆薈粒索晒啲汁，好爽！冰冰涼涼，食完可以解膩！
食物固然好！衛生又好，除店內環境乾淨，廁所非常乾淨！設備齊全！服務都好！店員好快手！好似我叫了甜品20分鐘都未見，店員有禮即跟進！上茶收碟都會講一聲！
張貼
