影片
更多
2018-07-29
6303 瀏覽
今日係小弟生日,太太專登帶我黎咗呢一間幾出名既甜品店品嘗一下~呢間甜品店位於銅鑼灣,在尖沙咀都有分店,一直經過想試但一直都係人頭踴踴,今日太太專登BOOK定位安排在中午時間黎!入到黎呢到,感覺非常開心,首先呢度既座位唔算多.太多數都係以吧枱方式坐,咁樣就可以望住店住親手為你製作甜品,有點像日本OMAKASE既感覺!餐廳以白色為主,感覺有型,對住無敵開放式玻璃窗望出去,感覺真係幾好!呢間餐廳主力係食甜品,MENU 只有一頁,前面係甜品,係面係DRINK MENU未點之前,首先送上兩杯welcome drink,係用TUBE送上既草莓汁,酸酸甜甜正開胃!我同太太各自點了一款甜品,我點既係bamboo charcoal 竹炭入面分別有3種分別係紅桑子雪葩,黑朱古力片同竹炭慕絲!酸甜味既紅桑子雪葩,口感酸甜豐富,而且好有層次,每一啖都酸酸甜甜,正好拾回同太太拍緊拖一人一啖的感覺,甜蜜得嚟又帶啲酸酸哋嘅感覺!黑朱古力片味非常濃厚,食得出不是一般的朱古力,因是苦中帶甘竹炭慕絲就係超濃味既慕絲.唔識形容竹炭味道,但係真心好好味!而太太點左限定甜品正所謂夏日炎炎最緊要用時令水果佢地用夏天時令西瓜製作雪
今日係小弟生日,太太專登帶我黎咗呢一間幾出名既甜品店品嘗一下~呢間甜品店位於銅鑼灣,在尖沙咀都有分店,一直經過想試但一直都係人頭踴踴,今日太太專登BOOK定位安排在中午時間黎!
入到黎呢到,感覺非常開心,首先呢度既座位唔算多.太多數都係以吧枱方式坐,咁樣就可以望住店住親手為你製作甜品,有點像日本OMAKASE既感覺!
餐廳以白色為主,感覺有型,對住無敵開放式玻璃窗望出去,感覺真係幾好!
呢間餐廳主力係食甜品,MENU 只有一頁,前面係甜品,係面係DRINK MENU
未點之前,首先送上兩杯welcome drink,係用TUBE送上既草莓汁,酸酸甜甜正開胃!
我同太太各自點了一款甜品,我點既係bamboo charcoal 竹炭入面分別有3種分別係紅桑子雪葩,黑朱古力片同竹炭慕絲!
酸甜味既紅桑子雪葩,口感酸甜豐富,而且好有層次,每一啖都酸酸甜甜,正好拾回同太太拍緊拖一人一啖的感覺,甜蜜得嚟又帶啲酸酸哋嘅感覺!
黑朱古力片味非常濃厚,食得出不是一般的朱古力,因是苦中帶甘
竹炭慕絲就係超濃味既慕絲.唔識形容竹炭味道,但係真心好好味!
而太太點左限定甜品
正所謂夏日炎炎最緊要用時令水果佢地用夏天時令西瓜製作雪葩, 入口清新西瓜香味加上牛奶，口感更幼滑!
荔枝慕絲就味帶酸甜, 慕絲質地濃厚, 口感像布甸, 第一口先嚐慕絲，清淡香口，第二啖連上面果乾及雪葩一齊食，好像食左一杯夏日什果賓冶!
飲品方面都唔輸蝕,凍香蕉特濃朱古力,非常好飲， 一問之下原來廚師用咗75%既朱古力調配， 香濃但不膩， 對於極愛朱古力同香蕉配搭嘅我簡直係大愛!而另外一杯凍朱古力咖啡同樣出色! 感覺出用心製作!
在吃的同時,旁邊桌點了席前點品,係店員親手在你面前製作出一幅像畫的甜品,個人覺得製作後的甜品有點像油畫,下次有機會一定要試一下!
張貼
