影片
更多
2023-08-11
88 瀏覽
今晚放工之後，好想食日本料理，喺銅鑼灣Fashion Walk附近，有間充滿日式風味嘅<黑門水產>，之前喺尖沙咀食過，實在令人回味，知道佢喺銅鑼灣開咗分店，當然要試下啦!!~呢度嘅環境夠曬闊落，而且最重要係真係好有日式嘅風味，真係以為自己去咗日本度假甘。<海苔酒盜燒帆立貝 $98>大大隻新鮮嘅帆立貝，用上海苔、蟹子、配埋酒同埋醬汁一齊來燒成，即叫即燒，帆立貝肉質彈牙，配上甜甜地嘅醬汁，仲有大量嘅海苔同埋蟹子一齊來食，非常好味。<黑門三文魚加州反卷 $138>呢個加州反卷絕對充滿驚喜，三文魚非常厚肉，而且入口鮮甜肥美，入面包住嘅反卷有牛油果、蟹柳、雞蛋等等材料，非常新鮮好食。<北海道飛魚 $338>北海道飛魚唔係時時有得食，比較季節性，咁啱餐廳有，我哋便叫一客來試下。魚肉非常新鮮，入口清新鮮甜。除咗一般基本刺身嘅食法，餐廳仲係將飛魚嘅魚肉起咗骨，然後配上蔥同薑蓉，伴埋醬油一齊來食，更能提起魚肉嘅鮮味。食完魚肉刺身，仲可以用剩下來嘅魚骨、魚尾、魚頭用來煲湯，或者用椒鹽來炸。<黑門角切海鮮沙律>由多種魚生刺身造成
呢度嘅環境夠曬闊落，而且最重要係真係好有日式嘅風味，真係以為自己去咗日本度假甘。
<海苔酒盜燒帆立貝 $98>
大大隻新鮮嘅帆立貝，用上海苔、蟹子、配埋酒同埋醬汁一齊來燒成，即叫即燒，帆立貝肉質彈牙，配上甜甜地嘅醬汁，仲有大量嘅海苔同埋蟹子一齊來食，非常好味。
<黑門三文魚加州反卷 $138>
呢個加州反卷絕對充滿驚喜，三文魚非常厚肉，而且入口鮮甜肥美，入面包住嘅反卷有牛油果、蟹柳、雞蛋等等材料，非常新鮮好食。
<北海道飛魚 $338>
北海道飛魚唔係時時有得食，比較季節性，咁啱餐廳有，我哋便叫一客來試下。魚肉非常新鮮，入口清新鮮甜。除咗一般基本刺身嘅食法，餐廳仲係將飛魚嘅魚肉起咗骨，然後配上蔥同薑蓉，伴埋醬油一齊來食，更能提起魚肉嘅鮮味。
食完魚肉刺身，仲可以用剩下來嘅魚骨、魚尾、魚頭用來煲湯，或者用椒鹽來炸。
<黑門角切海鮮沙律>
由多種魚生刺身造成，仲有一隻手掌甘長嘅赤蝦，配有酸甜嘅醬汁同埋大量嘅新鮮沙律菜，非常開胃。
<蔥吞拿魚腩卷>
呢個蔥吞拿魚腩卷做得非常精緻，入口有淡淡嘅吞拿魚腩肉，魚肉非常新鮮好食，最鍾意就係佢哋嘅碎蔥，增添美味感。
<黑門大阪燒>
呢個大阪燒又係一個驚喜之作，因為佢除咗有滿滿嘅木魚碎之外，仲有一片片嘅豚肉，豚肉煎得好香，同大阪燒嘅味道非常之夾。
<蒲燒鰻魚飯 $168>
呢個鰻魚飯嘅鰻魚肉質非常之厚實，而且仲入口彈牙，充滿鰻魚醬汁嘅味道，鰻魚醬汁非常濃郁，配埋佢嘅珍珠米飯，非常好食，值得推薦！！～
整體來講，餐廳供應嘅食物質素非常之高，材料都相當新鮮，而且環境令人覺得坐得非常之舒服，彷如喺日本嘅居酒屋之中，下次有機會一定會再來。
張貼
