La Boheme

營業中

休息中

由於工作關係，幾年前接近日日都會去依度行吓，脆皮朱古力牛角包同日式芝士蛋糕都係我至愛，週三特價會買吞拿魚包同紅豆包，但後來質素下降，好多款都無咗，新嘅越來越普通。北海道蒸芝士蛋糕，望落同當年嘅日式芝士蛋糕好似，價錢一樣，但外表怪怪，發到開始變形（已選較好看）？職員話配方一直無變，係自從雪櫃壞咗唔修，好多甜品唔再做，依D可以唔雪嘅蛋糕幾日先做一爐，好多熟客嚟搵，夜晚自然無貨，難怪我幾年無見過，遊說一輪，買咗個試。本來新鮮出爐想夜D試常溫效果，但家人唔記得順手放咗落雪櫃⋯算！證明我眼光無錯，明顯同以前唔同！以前過款常溫冷藏都試過，芝士味香濃，甜度適中，傳統日式芝士蛋糕嘅密度，發酵程度低；今次過款芝士味淡到不能稱芝士蛋糕，發酵程度較高，甜度同樣適中，長崎蛋糕嘅味道。雖然我懷念舊過款，但其實只要外觀改善吓，長崎蛋糕可以貴過芝士蛋糕，宜家同北海道唔知有咩關係，蒸蛋糕唔明點做到烘面，外表又奇怪，但味道確實唔錯，難怪通常熟客買。