小喇咩 (已結業)

好可愛嘅一個名字，喺門口見到呢間餐廳叫做小喇咩，我諗大家都會聯想到我講緊啲乜嘢。點解會覺得好搞笑，原來呢一間係一間法，日，越嘅餐廳，但係佢入邊都會有啲法式嘅小食同埋西式嘅嘢食嘅。先來一杯青檸梳打消一消暑，呢度嘅青檸梳打比較特別嘅就係佢加咗薄荷葉 ，所以飲起嚟嗰種味道會更加清新。今日就叫咗個越式嘅小食拼盤，唔好以為小食拼盤就唔會食得飽，因為佢呢一個係一個非常之大嘅小食拼盤，入邊有單骨炸雞翼，有魚餅，有札肉同埋吉列炸蝦。 仲有我最鍾意嘅檬粉，你冇聽錯係小食拼盤，入邊會有埋個檬粉。而且仲會有埋撈檬嘅汁，有蘿蔔絲，青瓜絲。鍾意嘅可以就咁將啲檬粉食咗佢，如果唔係嘅話呢就將啲菜包啲青瓜絲，蘿蔔絲，再包住炸魚餅一齊食，可以解油膩之外個味道都幾好㗎。