悅香飯店 (已結業)

昨天晚上和朋友在書展會場逗留了幾個小時，才依依不捨地離開，離開時己十時多，朋友以前在悅香吃過晚飯，印像不錯便建議再去試吓，我也多年冇去了，正好再回味一下。店外寫着十一時半關門，仍有時時開便走進去，伙計立即殷敦地招呼坐下，店內仍有三、四枱客一坐下伙計便告知香妃鷄已賣光了，想叫八珍豆腐煲又沒有了豆腐，後來叫了生菜鹅掌煲($48)、西蘭花炒双魷($55)及魚肚粟米羹($48)。幾味都算不錯，我特別欣賞那煲鹅掌，煑得很軟但唔會太冧而夾起時散晒，食落有口感而汁不會像膠水一樣瑚口，而双魷就普通啲，魚肚羮較淡了一點但加了古月粉後便不覺的淡ｏ埋單二百，不貴也不平，可以一試!