常滿雞煲火鍋專門店 (已結業)

樓底高，水泥灰色有點raw味的牆身，淺木色裝修配深色布藝梳化位，裝修有現代感。一隻雞份量有點少，雞偏瘦無咩肉，叫少辣不會太辣，我唔太食得辣都可以接受，唔會辣或麻到食咩都唔知。加+$10配老火湯，款式經常轉，正值38度的炎夏，特別炮製冬瓜荷葉薏米雪耳紅棗湯，消暑去濕，抵讚。用老火湯底打邊爐又比就咁雞煲加湯健康唔會一層油，而且食到食材原味。安格斯牛牛味唔太夠。芝心包爆芝小心辣咀。雲吞調味不輸雲吞麵鋪，皮薄清爽，蝦肉彈牙。粟米超甜，推介。冰豆腐份量多，吸湯一流。金沙墨魚丸$88六粒但中心咸蛋黃份量少而且完全唔流沙，非常失望。