樂意成發粉麵 (已搬遷) 新店位置

放工後到鰂魚涌拿東西，四點多，先去食碗麵。今次試試樂意牛腩，openrice咁多人讚，於是就試試。由於唔係繁忙時間，所以無人，老闆都得閒到喺出面坐透透氣。要了碗牛腩河，老闆懶洋洋的入去切牛腩。老闆好快手，好快有得食。牛腩數件，河粉一般，唔滑，麵粉味又太重。牛腩又幾唔錯，入味，少肥多瘦，但又唔會太鞋；不過略嫌唔夠淋，可以做得更好！老闆好搞笑，客人落柯單之後係完全無回應。坐對面嗰個小姐見咁耐都無，於是再叫多一次，老闆才終於開口話「煮緊啦，淥緊菜丫嘛！」