隆姐泰國美食館 (已搬遷) 新店位置

因為考試關係~ 母親節飯局延期舉行~星期六一行四人黎到九龍城~~等左差唔多30分鐘~~ 終於有位~~叫左1個$668  4人餐 + 蒜蓉包 + 3枝泰象啤~第1道菜上台，竟然係咖哩炒蟹~~蒜蓉包又唔跟住黎... 真係呆一呆味道正常~ 咖哩汁帶甜，送飯一流~但隻蟹真係好細....無肉食....第2道菜係炒菜... 心諗...搞咩野... 點都上小食拼盤先啦...炒菜味道正常~ 無特別~~小食拼盤同蒜蓉包同時上台~蒜蓉包夠熱~~ 可惜唔夠蒜蓉~配咖哩食還好~~ 小食拼盤個蝦餅唔錯~但魚餅味道怪怪地...春卷又無咩味道...炒飯食左1啖~ 無咩味...都係留肚食其他野~之後等左15-20分鐘都未見條魚~~催左2次，終於上台~~明爐烏頭：夠哂滑~~ 全晚最好食~~已經好飽，都忍唔住食~~每次都好期待隆姐個糖水~~蕃薯西米露~~ 糖水保持水準~~但其他野食好似差過以前...