影片
更多
2018-07-15
3491 瀏覽
星期六最啱跟朋友約埋一齊飲下茶食個包。見幟哥係葵興開左間新酒樓咁就腳，就同朋友過黎食返一盅兩件再去打機。酒樓啱啱開左無耐，裝修好新淨。加上時間都早所以未有太多人幫襯住，好多位俾我地揀。先黎點左個黑金流沙包，外表十分型格，黑色嘅包面抺上一道金色，再加上佢皮薄而流沙程度十足。入面嘅咸蛋黃味好濃油分又充足。真係唔錯。鵪鶉蛋燒賣，依家唔係好多地方有得食了，難得見到梗係要柯打返籠啦，成個燒賣都好飽滿多汁。食得出係以新鮮豬肉做成，再配上大大粒鵪鶉蛋都真係幾滋味。芝麻腸粉。同平時食嘅有少少唔同，呢度嘅比較煙韌同香滑，再配上甜醬／花生醬食都幾好。蘿蔔酥。做得好鬆化同夠薄，餡料香甜惹味。入面嘅蘿蔔絲炒得夠乾身，所以個酥皮唔會俾多餘嘅蘿蔔水分搞到化開晒。水晶餃／菜肉包／牛栢葉都唔錯，雞紮就唔算突出，但塊腐皮及裡面嘅豬皮就好入味，吸晒雞肉火腿嘅味道。食物係唔錯，但姐姐們嘅服務態度就可圈可點了，我地兩個茶壺及水壺吉左都要等三／四個字先斟滿返，但我地其實坐係水吧附近。可能佢地忙中有甩漏啦。以新開黎講食物質素及環境都幾好，因為葵興附近真係無咩新鮮野,自從KCC開左之後帶旺左呢區嘅人流。葵興人之後消閒時唔使走過葵方
先黎點左個黑金流沙包，外表十分型格，黑色嘅包面抺上一道金色，再加上佢皮薄而流沙程度十足。入面嘅咸蛋黃味好濃油分又充足。真係唔錯。
鵪鶉蛋燒賣，依家唔係好多地方有得食了，難得見到梗係要柯打返籠啦，成個燒賣都好飽滿多汁。食得出係以新鮮豬肉做成，再配上大大粒鵪鶉蛋都真係幾滋味。
芝麻腸粉。同平時食嘅有少少唔同，呢度嘅比較煙韌同香滑，再配上甜醬／花生醬食都幾好。
蘿蔔酥。做得好鬆化同夠薄，餡料香甜惹味。入面嘅蘿蔔絲炒得夠乾身，所以個酥皮唔會俾多餘嘅蘿蔔水分搞到化開晒。
水晶餃／菜肉包／牛栢葉都唔錯，雞紮就唔算突出，但塊腐皮及裡面嘅豬皮就好入味，吸晒雞肉火腿嘅味道。食物係唔錯，但姐姐們嘅服務態度就可圈可點了，我地兩個茶壺及水壺吉左都要等三／四個字先斟滿返，但我地其實坐係水吧附近。可能佢地忙中有甩漏啦。以新開黎講食物質素及環境都幾好，因為葵興附近真係無咩新鮮野,自從KCC開左之後帶旺左呢區嘅人流。葵興人之後消閒時唔使走過葵方了
張貼
