彩薈軒 (海之戀商場)

營業中

休息中

下午茶時間，係荃灣西海之戀商場有2間酒樓一間彩薈軒同海天花園，揀左呢間食，完上番去睇原來海天花園唔係大陸野，係來自屯門三聖的酒家，下次可以試埋。大家要留意番彩薈軒係有落場時間，四點鐘CUT OFF同清場，所以今日食得有D趕急。點了蘿蔔糕、花枝粟米餅、龍王野菌腸、金箔芝麻卷、原隻鮑魚燒賣、黑松露帶子鳳眼餃、燒肉油雞雙併飯最後埋單$260 又唔係話好貴，但又唔似好味到佢講既連續五年榮獲美食之最大賞至高榮譽金獎的得獎食府。原隻鮑魚燒賣龍王野菌腸呢2項都係佢地話係大賞點心，唔知係咪佢地原創還是怎樣，因為出面好多酒樓都已經有得點2個點心了。不過佢鮑魚燒賣，D鮑魚仔又好似比外邊大少少，蝦肉大粒彈牙，都算不錯。龍王野菌腸就感覺差小小，我都唔算放左好耐先食，但個皮都唔係十分香脆。燒肉油雞雙併飯呢個雙併飯我又幾中意，雖然好多平價D 既酒樓可能30-40 就食到，呢到要$55蚊。不過D燒味又好味喎。燒肉皮脆，油雞滑嫩。其餘點的點心都中規中矩，沒有太大驚喜，又沒有大伏，就係一個方便就入去飲下茶食下野既選擇。