星海．譽宴 (鱷魚恤中心)

營業中

休息中

同個客食中式午餐，當然要豐富啲，點心小菜炒飯就唔失禮。燒味拼盤有脆皮燒腩仔，海蜇，叉燒，燒肉，燒肉個皮認真卜卜脆，海蜇又爽又香有麻油味。脆皮咕嚕肉配菜用上鮮甜菠蘿，焦糖脆皮咕嚕肉加上啖啖肉，咬落有豬油香同焦糖香但唔會有肥膩感。呢個餐仲包有埋點心拼盤，蝦餃、燒賣、菜苗餃、白糖糕，蝦餃同燒賣呢啲貴價點心做得幾好，蝦鮮而且大隻，每樣點心有2粒，夠哂過點心癮。咬落無渣夠嫩口嘅欖菜肉鬆四季豆，咸香好味，唔油有少少鍋氣，唔錯。乾隆石鍋炒飯可以自己炒到鍾意嘅乾濕度，有帶子、瑤柱、蝦粒、脆肉瓜粒，有海鮮味有石鍋焦香味，好得體。