新馬鞍扒房 (已結業)

經過年多嘅努力，人生入面其中一個最大嘅project卒之完成。鬆了一大口氣^_^前幾日係戲肉。真係忙到有氣冇碇透，依家先得閒寫食評..但忙並不表示我會偷懶，依然係食、食、食^0^抽空嚟呢度食個午飯。冇嚟咁耐，人、物依然。水準依然能夠保持---- 周打魚湯唔夠濃稠，所謂嘅魚竟然係用咗煙三文，真係第一次見。雖然係唔正宗，但味道都算唔錯，過關...簡單叫個茄汁海鮮意粉。料足，有蝦、青口、蜆、魷魚等。亦頗新鮮；茄醬並不只係得茄膏，新鮮蕃茄亦有加入，酸咪咪夠醒胃；意粉係普通spaghetti，淥得唔算叫al dente，但亦唔會好似D港式意粉咁整到淰pat pat，好...食得相當愜意^_^