Brewed

營業中

休息中

裝修有種復古水泥木系嘅感覺，感覺好休閑，好啱傾吓計，而且嘢食、咖啡都高質。連假都唔係特別多人，記住要支持下小店啊！*香烤雞肉多士 $98Grilled chicken toast雞扒大大塊，醃得好入味，有肉汁但未算嫩滑。雞扒下面係火箭菜、鷹嘴豆泥，配合菲達芝士、開心果，係地中海菜嘅味道，配雞扒、流心太陽蛋好夾。可惜酸種麵包得兩片，而且偏乾唔夠香。黑松露忌廉貓耳朵 $128Black truffle orecchiette 黑松露忌廉汁好creamy好濃厚，大量栗子蘑菇、松子、巴馬臣芝士，口感豐富。貓耳朵有咬口、好煙韌，仲可以裝住好多汁。棉花糖焗法式多士 French Toast with Marshmallow $88法式多士用丹麥酥皮多士，浸牛奶蛋液再煎至外脆，但差在麵包香蛋香。棉花糖焗到拉絲，配開心果、楓糖糖漿，甜甜哋但唔會太膩。鮮奶咖啡 Caffe latte $38拉花靚，奶泡細緻，咖啡味香，奶味唔會過重。