Brotzeit German Bier Bar & Restaurant (形點 I) (已結業)

復課又停課...今次係計暑假之後再復課嘅第一日！接完個女放學，就泊低架車搵嘢食！其實呢個商場有咩餐廳，真係掉轉都識背，但係萬萬冇諗過lunch我會同個囡兩個人食「德國餐」🤣囉！原因係之前食過幾次晚餐，覺得質素都好好，另外依家疫情期間...貪呢度樓底高同埋夠open，感覺上良好啲！🤩入餐廳之前見到門口有個餐牌，原來每日都有一樣正價食品會做半價，今日仲要係我至愛嘅「德國鹹豬手」，當然要即刻搵個靚位坐低啦！鹹豬手上枱😍同以往一樣外皮炸到脆卜卜，但係啲肉一啲都唔乾，配埋酸菜食真係一流！👍🏻👍🏻而我就叫咗個海鮮沙律，好surprise！有煙三文魚同埋煙吞拿魚，再加隻大蝦，啱晒減緊肥嘅我，又可以食到我至愛嘅海鮮，簡直係Perfect！要我個女自己一個人食晒成隻鹹豬手...當然係冇可能！🤣🤣最後打包返三分之二隻攞走，但係最搞笑係～個外賣盒細到無倫，放完隻鹹豬手入去之後，完全合唔到蓋🥶...提議餐廳可以考慮增加其他唔同形狀同size嘅餐盒，方便宜家呢個疫情期間比客人帶走！