影片
更多
2019-05-03
509 瀏覽
勞動節唔洗勞動，喺元朗食個午飯，講起近排好似愈開愈多車仔麵店，就一於搵間車仔麵試試。揀左元朗合興，聽講幾受歡迎。除左安寧路，仲有另一間分店。餐廳面積唔大，地方淺窄，廚房開放式，舒適度較低，不過食個麵唔會好耐，我都唔會太挑剔。兩點零鐘都有少數人等位，加上不少人外賣，約等左十分鐘入座。排隊時自動自覺畫定紙仔，入座交單。餐牌同一般車仔麵無異，30多款配料好似魷魚、牛坑腩、豬脷、大腸、丸餃等，定價$8/10/15；麵底有幼、粗、油、河、米，可選微/小/中/大辣，配清湯/腩汁/鹵汁/香辣汁。每碗最少3款配料，話貴就唔係好貴，但平又講唔上香辣豬紅、雞翼、白菜餃幼麵、微辣香辣汁 $38香辣豬紅好香好滑雞翼有兩隻，加一隻雞尖，質素普通，煮得唔夠腍唔夠入味。餃都係正常水準，肥肉偏多。但最正係個湯底，香辣夠持久，好在點左微辣，否則可能要留住汗留住鼻涕食，哈哈麵質比一般幼麵硬身，麵嘅份量不少，三餸一麵我夠飽。咖喱魷魚、豬大腸、雞翼尖粗麵、微辣腩汁 $45魷魚連咖喱汁另上，醬汁偏甜辣，魷魚好腍，不費牙力豬腸份量頗多，偏噍頭型。雞尖幾大隻，同雞翼情況一樣，唔係炆得好腍嗰種。不過講真嘅，食完會好口渴但為左刺激嘅湯
兩點零鐘都有少數人等位，加上不少人外賣，約等左十分鐘入座。排隊時自動自覺畫定紙仔，入座交單。餐牌同一般車仔麵無異，30多款配料好似魷魚、牛坑腩、豬脷、大腸、丸餃等，定價$8/10/15；麵底有幼、粗、油、河、米，可選微/小/中/大辣，配清湯/腩汁/鹵汁/香辣汁。每碗最少3款配料，話貴就唔係好貴，但平又講唔上
香辣豬紅、雞翼、白菜餃幼麵、微辣香辣汁 $38
香辣豬紅好香好滑雞翼有兩隻，加一隻雞尖，質素普通，煮得唔夠腍唔夠入味。餃都係正常水準，肥肉偏多。但最正係個湯底，香辣夠持久，好在點左微辣，否則可能要留住汗留住鼻涕食，哈哈麵質比一般幼麵硬身，麵嘅份量不少，三餸一麵我夠飽。
咖喱魷魚、豬大腸、雞翼尖粗麵、微辣腩汁 $45魷魚連咖喱汁另上，醬汁偏甜辣，魷魚好腍，不費牙力豬腸份量頗多，偏噍頭型。雞尖幾大隻，同雞翼情況一樣，唔係炆得好腍嗰種。不過講真嘅，食完會好口渴但為左刺激嘅湯底，有回訪機會。
入座冇耐已經不停聽到某啲配料沽清嘅消息，就好似其他人所講，想食真係要早啲。
張貼
